- DP Ruto husimulia safari yake ya Ukristo na kuonyesha kujivunia kuwa na imani kali

- Alhamisi, Julai 30 alionyesha alikuwa stadi katika nyimbo za kwaya alipoongoza wimbo wa 'Bwana u sehemu yangu'

- DP alikuwa eneo bunge la Kikuyu kuhudhuria mazishi ya askofu Peter Kania wa kanisa la PCEA

Naibu Rais William Ruto ni mmoja wa viongozi wakuu humu nchini ambaye anajulikana sana kutilia dini maanani.

Ruto amekuwa akifanya maombi nyumbani kwake Karen ambapo hukongamana na viongozi mbali mbali wa dini.

Habari Nyingine: Wasafiri kutoka Tanzania kuzuiwa kuingia Kenya

Aidha hujivunia nyakati zake katika Chuo Kikuu cha Nairobi ambapo husema alikuwa mwanachama wa muungano wa wanainjili (CU) na hata kuhudumu kama mwenyekiti.

Alhamisi, Julai 30, alionyesha pia alikuwa bingwa wa kwaya baada ya kuongoza waombolezaji kwenye wimbo wa kumuaga askofu Peter Kania.

Ruto alikuwa kwenye mazishi hayo katika kanisa la Thogoto PCEA Church of Torch eneo bunge la Kikuyu.

Habari Nyingine: Brazil: Mke wa Rais apatwa na coronavirus

Katika video ambayo imechapishwa kwenye mtandao, DP aliwataka waombolezaji kusimama ili kuimba wimbo huo.

Aliongoza wimbo wa 'Bwana u sehemu yangu' ambao ni maarufu miongoni mwa wakristo humu nchini.

Kwa sauti nyororo, DP aliendeleza wimbo huo na kwa kweli akaonyesha alikuwa maarufu kwenye kwaya shuleni.

Habari Nyingine: Magazeti Ijumaa: Urafiki wa Rais Uhuru na Raila wapata ufa baada ya kuanguka kwa mswada wa serikali

Wafuasi wake walimpongeza kwa kuwa muumini wa Yesu shupavu licha ya kuwa siasa.

DP amekuwa akitumia kanisa kama mojawapo wa mbinu zake za kupata uungwaji mkono katika mbio za urais 2022.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690.

Chanzo: TUKO.co.ke

ncG1vNJzZmijmajEorTIpaBnrKWgvG%2BvzmeinmdjbH50gpJmm6lloqrBsHnAsJisoaOeuratjLCYn62RqLZuw8CknGaakZaxonnYmmSkrZ%2Bjxqa%2Fx5pkrquklrGqedaaZKSvka6ub7TTpqM%3D